Дархан-Уул аймгийн Буддын шашны сүм хийдүүдийн холбооноос санаачлан 31-р хорооллын арын толгойд  “Төгс баясгалант цэцэрлэгт хүрээлэн”-г байгуулахаар болсон байна. Тус цэцэрлэгт хүрээлэнг байгуулах 6 га газрыг аймаг орон нутгаас шийдвэрлэж өгөн. Цэцэрлэгт хүрээлэнд 5 жилийн хугацаанд 10 мянган мод тарихаар төлөвлөжээ. Одоогоор 1000 гаруй гүйлс, бүйлс, шар хуйс моднуудыг тариад байна. Гацуур мод, буйлс, давхар дэлбээт буйлс, хүрэн монос, паркийн сарнай зэрэг ногоон ургамал бүхий тус төглийн дэргэд Ногоон дарь эхийн хөшөөг байгуулж эргэн тойрных нь тохижилтыг байгаль, шашин, өв уламжлалыг орчин үеийн интерьертэй хослуулан хийх юм байна. Тус төглийг байгуулах төслийг сүсэгтэн олны хандив тусламж болон ААНБ, аймаг орон нутагтай хамтран хэрэгжүүлэх аж. “Тэрбум мод” үндэсний хөдөлгөөн, “Ногоон Дархан-2032” хөтөлбөрийн хүрээнд аймгийн хэмжээнд нийт 20 сая мод тарих зорилт тавьсан. Үүнд хувь нэмэр оруулах, Дарханчуудын төдийгүй дотоод, гадаадын аялагчдын зорин очиж сэтгэлийн амар амгаланг мэдэрч, амралт чөлөөт цагаа өнгөрүүлэх тохь тухтай ногоон орчныг бий болгохоор зорьж байна.

"Ногоон хот" аяны хүрээнд Хаврын мод тарилтын хугацаанд Сууц өмчлөгчдийн холбоод нь орон сууцны хороололд нийт 1741 мод тарьсан. Үүнд:

Буянт-Зам СӨХ-1 гацуур 10 голт бор 

Парк таун 1 СӨХ -8 гацуур, 3 нарс,  15 ширхэг голт бор

Парк таун 2 СӨХ-20 ширхэг нарс мод

Парк таун 3 СӨХ-17 ширхэг нарс, 1400 хайлаас мод

Твин парк СӨХ-6 ширхэг нарс мод

Сигма эс СӨХ-6 ширхэг нарс мод

Нэхий хотхон СӨХ- 19 ширхэг нарс, 8 голт бор мод

 Буян арвижих СӨХ -27 ширхэг нарс мод 

Дөл СӨХ-15 ширхэг буйлс

Чандмань-Өргөө СӨХ-6 ширхэг нарс

Цэлмэг СӨХ-180 ширхэг навчит мод

Хотын иргэдийн эрүүл аюулгүй, цэвэр цэмцгэр орчинд тав тухтай амьдрах нөхцөлийг хангах, ил задгай хог хаягдлыг багасгаж цэвэрлэгээ үйлчилгээг эрчимжүүлэх, нийтийн эзэмшлийн эд хөрөнгийн бүрэн бүтэн байдлыг бий болгох, ногоон байгууламжийг нэмэгдүүлэх, тохижилт үйлчилгээг сайжруулах зорилгоор “Ногоон хот” аяныг хоёр үе шаттайгаар Дархан сумын хэмжээнд зохион байгуулж удахгүй дүгнэх гэж байна. Аяны хүрээнд Дархан сумын 10,11,12 дугаар багуудын нийтийн зориулалттай орон сууцны нэгдүгээр давхарт /эхний нүүрэн талд/ худалдаа үйлчилгээ эрхэлдэг аж ахуйн нэгжийн захирал болон багийн Засаг дарга нар оролцсон уулзалтыг 2 удаа зохион байгуулж, үзлэг шалгалтыг 3 удаа хийхэд гадна тохижилт хангалтгүй байгаа тул, өнөөдөр /2025.05.20/ аймгийн Захирагчийн ажлын албаны дарга Б.Оргил газар дээр нь дахин ажиллаж, иргэдтэй харилцан ярилцаж богино хугацаанд тохижилтын ажлаа хийн өнгө үзэмжээ сайжруулахыг үүрэг болголоо.

Монгол Улсын Ерөнхийлөгчийн зарлигаар жил бүрийн 5 болон 9 дүгээр саруудын Бямба, Ням гарагуудыг тэрбум мод тарих үндэсний өдөр болгон зарласан. "Хар ус гол" ТББ нь аймгийн Онцгой байдлын газрын хамт олон, "Нэг ардчилал клуб" байгууллагын 50 гаруй залуус мод тарих аянд нэгдэн /2025.05.10/ мод тарих ажлыг зохион байгууллаа. 

Уг талбайд 1000 ширхэг улиас, 500 хайлаас, 4000 ширхэг бургас мод тарьж, усалгаа арчилгааг хийж гүйцэтгэлээ. Тэрбум мод үндэсний хөдөлгөөний хүрээнд бүх нийтээр мод, сөөг тарих, арчлан ургуулах үйл хэрэгт идэвхтэй оролцож, сурталчлан таниулж, түгээн дэлгэрүүлэхийг нийт ард иргэд, айл өрх, төрийн болон төрийн бус байгууллага, аж ахуйн нэгж байгууллагуудад уриалж байна.

Монгол Улсын Ерөнхийлөгчийн зарлигаар жил бүрийн 5 болон 9 дүгээр саруудын Бямба, Ням гарагуудыг тэрбум мод тарих үндэсний өдөр болгон зарласан.

 Тэрбум мод тарих үндэсний өдөр”-үүдэд /05-р сарын 06-наас 13-ны өдрүүд/ Дархан сумын Хараа голын дагуу хариуцсан талбайдаа 1500 ширхэг бургас модыг нийт байгууллагын нийт 476 албан хаагчид тарьж, Эх дэлхий, байгаль орчноо хайрлан хамгаалж мод тарихыг уриаллаа. 

Байгууллагын хашаандаа 1000 ширхэг хайлаас мод тарих ажлыг эхлүүлээд байна.