Манай аймагт зохион байгуулагдаж буй “Хүний Эрхийн нээлттэй өдөрлөг”-өөр хүний эрх, эрх чөлөөний хэрэгжилтийг үнэлэх, хяналт шалгалт хийх, олон нийтээс эрх чөлөө зөрчсөн талаарх өргөдөл гомдол мэдээлэл хүлээн авч газар дээр нь шийдвэрлэх, төрийн байгууллага, албан тушаалтнуудын мэдлэг ойлголтыг нэмэгдүүлэх чиглэлээр сургалт хийх, ХЭҮК-ын үйл ажиллагааг орон нутгийн иргэдэд сурталчлах зэрэг цогц арга хэмжээг зохион байгуулж байгаа юм.

Энэ хүрээнд “Орон нутаг дахь хүний эрхийн нөхцөл байдал”, “Хүний эрхийг хангах үндэсний хөтөлбөр”-ийн төслийн хэлэлцүүлэг явагдаж Дархан-Уул, Төв, Сэлэнгэ аймгийн албаны 50 гаруй төлөөлөл оролцож байна.

Дархан-Уул аймгийн хувьд хүний эрх, эрх чөлөөний нөхцөл байдалтай холбоотой 10 асуудалд цаашид анхаарч үзэх шаардлагатай гэж үзжээ.

Тухайлбал:

-Хөгжлийн бэрхшээлтэй хүний эрхийг хангах, хүртээмжтэй орчин бүрлүүлэх, хүрэлцээтэй орчин нөхцөл бүрдүүлэх төсвийг нэмэгдүүлэх,

-Хүнд хэлбэрийн хөгжлийн бэрхшээлтэй хүүхдүүд руу чиглэсэн нарийн бодлого, хөтөлбөрийг гаргах, нийгмийн амьдралд оролцох эрхийг хангах,

-Хүүхэд хамгаалал, хүүхдийг гэмт хэргээс урьдчилан сэргийлэх, гэр бүлийн хүчирхийллийг бууруулахад анхаарах,

-Зорилтод бүлгийн иргэдийг ажил орлоготой болгох, амьжиргааг дээшлүүлэх, архидан согтуурахтай тэмцэх чиглэлээр дорвитой ажил зохион байгуулах зэрэг асуудлуудыг анхаарах шаардлагатай гэж Хүний эрхийн комиссоос үзэж байна гэв.

Дээрх асуудлуудыг аймгийн Засаг даргад мэдээллэж цаашдын бодлогын баримт бичиг, хөтөлбөр, төлөвлөгөө шийдвэртээ тусгаж ажиллахыг хүслээ.

Дархан-Уул аймгийн Төв номын сан байгуулагдсаны 60 жилийн ойн баярын хурал өнөөдөр /2024.10.25/ Залуучууд театрт боллоо.

Төв номын сан жилд 5000 орчим байнгын уншигчтай, 90.000 гаруй боть номоор уншигчдадаа үйлчилдэг байна. Сүүлийн гурван жилд 88 төрлийн соёл, олон нийтийн ажлыг 754 удаа зохион байгуулж, давхардсан тоогоор 71359 уншигчдыг хамруулжээ. Ойн хүрээнд зохион байгуулсан “Нэг уншигч- Нэг ном” номын хандивын аянд 550 боть ном цугларсан байна. Орон нутгийн сонин хэвлэлийг цахимжуулах ажлын хүрээнд “Найрамдлын Дархан” сонины 1965-1990 оны хооронд хэвлэгдсэн дугаарыг цахимжуулжээ.

Мөн аймгийн Төв номын сан нь сүүлийн 3 жилийн гүйцэтгэлийн төлөвлөгөөний биелэлтээр аймагтаа 98 хувьтай үнэлэгдэж, аймгийн Засаг дарга Б.Азжаргалын дэмжлэгээр хорин сая төгрөгийн санхүүжилт хийгдэж, 600 гаруй боть номоор фондоо баяжуулсан байна.

Дархан хотын номын сангийн үйлчилгээг өнгөлж яваа бүх номын санчиддаа 60 жилийн ойн баярын мэнд хүргэе.